هماكدة الرجاله !!!!

هما كده الرجاله





• يتجوز واحده عقليه و مثقفه .. يقولها العلم عمره ما كان مهم للبنت.. اهم حاجه انها تكون ست بيت .. !!


• يتجوز واحده ست بيت .. يقولها خليكي انتي بس في الطبيخ بتاعك ياختى.. !!


• اشتغلتي .. يقولك مش مشكلتي انك بتشتغلي محدش طلب منك .. أنا اللي اعرفه اني جاي من بره تعبان وعايز كل حاجه تكون جاهزه


•
قعدتيله في البيت .. هيجي من بره يقولك .. انا طول النهار طالع عيني ..
وانتي قاعده هنا في التكييف .. هتحسي بيا ازاااااااي يعنى حضرتك ؟؟!!


• اهتميتي بيه وأخدتي بالك منه .. يقول دي خانقاني ومش عارف اخد راحتي منها .. !!


• سبتيه علي راحته .. يقول مبقتش بتهتم بيا وهاملاني وهو انا متجوز عشان محدش
يعبرني ؟؟ !!


• اتدلعتي عليه واهتميتي بنفسك .. يعتبرك فاضيه ومش حاسه بالدنيا وبالعيشه ولا حاسه أنه طالع عينه طول النهار ..!!


• تقلتي وكبرتي دماغك .. يقولك ده أنا متجوز واحد صحبي ..!!


• يفضل كل أما يشوفك يقولك انتي مش ملاحظه انك تخنتي أوي

• وهو أصلا قميصه مبيتقفلش من الكرش اللي عنده


• لبستي لبس عادي في البيت .. يبص للستات اللي لابسين سواريهات في بيوتهم

" في التلفزيون طبعا " ويقولك شايفه الستات عامله ايه لأجوازها بلا هم ..!!


• قلتي خلاص هرضيه ولبستيله سواريه .. يقولك ايه اللي انتي عاملاه ده
هي بعزقة فلوس وخلاص ..؟؟!!


• يجي يحكي عن زميلته اللي متألقه أخر حاجه وبتلبس علي سنجة عشرة ف الشغل..!!


• تلبسي كده وتيجي خارجه .. يقولك ايه ده انتى هتخرجى كده لا معنديش ستات تخرج كده بره البيت يا هانم..!!


• يقولك .. هو انتي نفس الشكل كل يوم من ساعة ما اتجوزنا .. مبتحاوليش تغيري من نفسك أبداا ؟؟!!


• تروحي تصبغي شعرك وتغيري قصته .. ولا بياخد باله أصلا ..!!


• يحطك في مقارنه مع كل الممثلات والمطربات .. ويقولك شايفه الستات عامله ازاي ؟؟!!
..
.
• ويزعل أوي ويتحمق لو بالصدفه جبتي سيرة مهند ..!!.
يلا هنقول ايه نصيبنا بقى

يااااااااااااه انتى متشائمة اوى
شركتينا خالص . ربنا يرزقك بزوج يطلعه على عنيكى
وياخد تارنا كلنا
هههههههههههههههههه حافرح فيكى اوىىىىى

انا متشائمه طب بذمتك مش هى ديه الحقيقه
طبعا عشان انت رجل اكيد من وجه نظرك مش هى ديه الحقيقه
والله حرام عليك يطلعه على عنيى وكمان هتفرح فى ماشى با استاذ
جلال مقبوله منك بس المفروض تكونى لالالا يا مروه انتى ظلمى الرجال
بس انت اهووووووووووووووو بتاكيد الكلام بتاعى هههههههههه
مشكورررررررر استاذ جلال لمرورك العطر وردك اللى هجائ شلل ان شاء الله