البنت لما بتحب . بتيدأ بمكالمة غلط

البداية كانت مكالمة بالغلط
وانتي رديتي واتماديتي ودة غلط
كنتي قفلتي ع الحكاية م البداية
وكنتي قولتي آسفة النمرة غلط
رديتي عليه بصوت حنين جننتيه
وهو ما صدق يلاقي حاجة تسليه
عاملها حجة وسئلك كام سؤال
وكلامه عجبك دخل دماغك وجاوبتيه
سئلك سؤال وجاوبتي
وانتي بتجاوبي ضحكتي
وطمعتيه فيكي
بقى كل ثانية يرنلك
ويقولك بجد اشتاقتلك
ونفسي اشوف عينيكي
طلب منك انه يقابلك في الشوارع
وانتي ضعفتي ووافقتي وقولتي مافيش مانع
قابلك وشوفتيه وشافك
وقالك انك قمر ولو سابك حيبقى ضايع
صدقتي كل كلامه وسرحتي فيه
وبقيتي بتتمني .....تكلميه
وبقيتي تحت امره وبقى تحت امرك
في اي طلب منه تطلبيه
خلاكي خاتم في صباعه
ولا يوم بتتمني وداعه
وأخذ مزاجه منك
بعد ما ضيع فيكي
احلى برائة في عينيكي
وخد اغلى حاجة منك
وبعد وقت مش كبير معاكي
قالك خلاص مابقيتش حاسس هواكي
ومع السلامة خلاص أخدت منك مزاجي
وانتي رخيصة ومش عايز تاني اكون معاكي
قولتيله طب واللي بنا واللي انت عاملته معايا
حيقولك كله بمزاجك وانتي وافقتي م البداية
وكان في ايدك انك تقولي لأ مش حكمل
بس انتي ضعفتي وكملتي وماتلومينيش في الحكاية
ودي اخرتك لما ضعفتي
زلك وكسرك واتهانتي...

المشكلة اننا بعدنا عن ديننا فأصبح كل شىء سهل ومباح البنات دلوقت هي اللي بتعاكس والبنت المهذبة يقال عنهاأنها معقدة ومكلكعة وتلاقي الكثير من المتوطعات واصحابهم المتطوعين لفك عقدة هذه البنت أتمني المزيد من القصائد يمكن نعرفهم الصح من الغلط

أستاذة رباب صباح الخير
مش البنت بس هيه اللى لازم تعرف الصح من الغلط
الرجل كمان لازم يعرف ان تملك المشاعر عمره مايبقى بالعافية
حتي لو الرجل ملك مشاعر البنت ولقى مش حينفع يسعدها حياته مليانة المفروض ياخد باله منها وميورطهاش فى حبه لانه مش مستعد . ومش حيقدر يسعدها . اتمنى من كل شاب وكل رجل ان يكون صريح وواضح مع نفسه وكذلك البنت . قبل اى حب او اى علاقة تحكم عقلها اولا قبل قلبها .
اشكرك على الاهتمام استاذة رباب واتمنى لكى السعادة والتوفيق في كل حياتك

مشكورررررر استاذ جلال على الموضوع الجميل
بس العيب من البنت هو اللى سمحتى لنفسها انه تكلم مع الشاب
وانا مع استاذه رباب فى كل كلمه

انا بقي مش معاكى ولامع استاذة رباب
انا باتكلم بعقلى والعيب الكبير على الولد . لازم الشاب يكون واضح فى مشاعره
يعنى انا لما اعرف بنت لازم اكون واضح وصريح معاها لانها بتبنى على كلامى احلام ومستقبل وبتكون جادة وصادقة فى حبها لكن الطرف التاني بيكون هدفه غير اللى بتحلم بيه .
اصعب حاجة فى الدنيا امتلاك المشاعر
اشكرك على مرورك مروة . وتعليقك الجميل وانا مابفرضشى رايي لكن الاغلبية دلوقتى ليكى انتى واستاذة رباب . تكسبى بس انا مش حغير رايي . لكن حاقتنع برايكم

يا استاذ جلال البنت عارفه انا الولد كلام وبس ليه
تحطى نفسها فى موقف وحشه وكمان هى متاكيد ان الولد لو عاوزها هيدخل
البيت من باب مش من الشباك لو عاوزها يتطلبها من ابوها ما علينا كل واحد له رايه
ومشكورررررر استاذ جلال على الموضوع فى انتظار المزيد