معركة فى تدريبات النادى الأهلى شوفتوا ولاد الأهلى

كتب – إيهاب محروس:
الأثنين , 14 مارس 2011 15:30

تحول تدريب الأهلى صباح اليوم الى معركة بين اللاعبين مما أدى الى سقوط أكثر من لاعب مصاب قبل مواجهة فريق سوبر سبورت بطل جنوب أفريقيا فى ذهاب دور ال32 لبطولة دورى الأبطال الأفريقى والمقرر لها يوم الجمعة القادم.
كانت البداية بتدخل عنيف من محمد شوقى لاعب الوسط ضد زميله حسام غالى أدي الى إصابته وخروجه من المران ثم أصيب المهاجم الموريتانى دومنيك داسيلفا بعد كرة مشتركة مع شريف عبدالفضيل ليواجه الاهلى أزمة فى خط هجومه فى ظل إصابة عماد متعب.

اقرأ المقال الأصلي علي بوابة الوفد الاليكترونية الوفد - الوفد

ياريت يافارس لما تجيب أخبار تكون صادقة وتكون فى الوقت ذاته يعنى مينفعشى نكتب خبر من سبعة اشهر للتشفى . ياريت تكتب حاجات وقتية وواقعية .
الخبر ده يدل على جدية التدريبات فى الاهلى .
وبعدين احنا عايزين نتفرج ونشجع بدون اى تعصب . اللى يلعب كويس بكل روح جميلة نشجعه
انا اه اهلاوى لكن عمرى ماكنت متعصب للاهلى انا بحب الكرة بوجه عام واللى يلعب كويس وبروح رياضية وبثقافة الفوز والهزيمة لازم نقف وراه .

استاذ جلال شكرا لإهتمامك بالموضوع
اولاً انا خبرى صحيح 100% وممكن تبحث فى النت علشان تتأكد
لكن حضرتك اللى اخبارك مش صحيحة زى خبر ان احمد فتحى احسن لاعب قى الموسم اللى فات وانا رديت على الموضوع بالدليل طبعاً قرأته
ثانياً الخبر قديم ولا مش قديم ايه المشكلة المهم انه صحيح وانا بأرد على موضوعك
وعن التعصب واضح إن حضرتك ( مع إحترامى الشديد لك ) متعصب للنادى الأهلى وما بتشوفش غير مزايا الأهلى وعيوب الزمالك
اما بخصوص مزايا الأهلى طبعاً من حقك تذكرها وتشيد بيها زى ما انت عاوز
لكن عيوب الزمالك ليه بتذكرها ؟؟؟؟؟؟
فلو كان من حقك تذكر عيوب الزمالك فأنا أيضا سوف أذكر عيوب الأهلى وبالدليل وعندى منها الكثير والكثير اللى ممكن اعمل بيها 1000 موضوع ولكن !!!
انا من رأيى ان كل واحد يشجع فريقه ويذكر مميزاته زى ما هو عاوز سواء حقيقى ولا مش حقيقى وما لوش دعوة بعيوب الفريق المنافس والا حضرتك ليك رأى تانى ؟؟؟

أولا كل سنة وانت طيب يافارس
ثانيا شجع كما تشاء . ولكن بكل الروح الرياضية .
انا اه كل انتمائي للاهلى ولكن مش باتعصب ابدا
احنا عاملين المنتدي علشان ننبسط ونعرف بعض وتكون معرفة خير ان شاء الله
انا من اول ماشرفتنا فى المنتدي وانا والله فرحان بيك لان اسلوبك راقى ومعلوماتك دايما مفيدة لى انا شخصيا . مش معنى انى لقيت خبر فى موقع وحطيتة والله بدون اى قصد منى . ابقى متعصب للاهلى
اذا كان شيكابالا او احمد فتحي بياخدوا ملايين عمرهم ماحيحسو باللى زينا .
المهم انا سعيد بيك وبتشريفك دايما للموقع . ولو المناكفة معاك حتخليك تيجى كتير وترد يبقى كل يوم حناكفك .
كل سنة وانت والاسرة طيبين
واتمنى لك كل سعادة
تصبح على خير فارس